badi pur sakoon thi zindagi naya dard kis ne jaga diya

badi pur sakoon thi zindagi naya dard kis ne jaga diya

kisi be nayaz nigah ne meri wehshatoon ko badha diya

mere kam sukhan ka ye hukam tha ke kalam us se main kam karon

mere hont aisay silay ke phir meri chup ne us ko rula diya

usay shair sun’nay ka shauq tha mujhay arz-e-haal ka zauq tha

issi shauq-o-zauq ne aik din usay dil ka haal suna diya

kisi naam se kisi yaad se meri dil ki bazm saji rahi

kabhi ye chiragh jala diya kabhi wo chiragh jala diya