Kabhi Kitabon Main Phool Rakhna,

Kabhi Kitabon Main Phool Rakhna Kabhi Darakhton Pay Naam Likhna,

Humain Bhi Yaad Hai Ajj Tak Woh Nazar Say Harf e Salaam Likhna..

Woh Chand Chehray, Woh Behki Baatein Sulagtay Din Thay sulagty Raatein,

Woh Chotay Chotay Say Kaghazon Per Mohabaton Kay Payaam Likhna..

Gulab Chehron Say Dil Lagana Woh Chupkay Chupkay Nazar Milana,

Woh ArzoOnn Kay Khuwab Bunna Woh Qisa e Natamaam Likhna..

Meray Nagr Ke Haseen Fizaon! Kahein Jo Un Ka Nishan Pao,

To Poochna Kahan Basay Woh Kahan Hai Un ka Qayam Likhna..

Gaye Ruton Main Hassan Humara Bus Aik He To Yeh Mashghala Tha,

Kisi Kay Chehray Ko Subah Likhna Kisi Ke Zulf Ko Shaam Likhna..