KahaN khoh gai meri zindagi, …na koi pata na koi khabar
bhala kya mila humeiN Ishq sey,! tu bhi darbadar , mein bhi darbadar
wuh khizaaN ki aamad sey paishtar..,jahan baat kartey they baith kar
ussi amr-bail ki chaaouN meiN.., koi raah takta hey raat bhar
abhi din charha hey zara zara, aey sawaad-e-shab abhi thehar ja
abhi kehna chaha tha haal-e-dil..,tu bhi chal diya mujhey chohr kar
na hi dil meiN heiN teri chahteiN..,na shikayateiN, na adawateiN
tou ye kya ke aankheiN chahlak pareeN,kabhi ho geya jo tera zikar
kahan dhuhndtey ho mera pata?.., meiN wuh phool hoon jo bikhar chuka
mileiN ujrey ujrey sey baam-o-dar.., tou ye sochna ke hey mera ghar
tujhey khoh k aankheiN bahaaeiN khoon..,tujhey pa k bhi na miley sakooN
meri chahteiN bhi ajab raheeN.., merey silsiley bhii ajeeb tar
meiN kahoon kisi sey bhi tou kya kahooN?., huwa mujh pe taari ajab fasooN
k sakoot-e-shab merii zindagi.., ke ghum-o-alam merey humsafar
jahan tum they mujhsey khafa huwey..,jahan apney rastey juda huwey
meiN milooN gii tumko wahin kaheeN..,ussi raah meiN , ussi moR par
tujhey kya kahooN merey humnawa..! ke bura huwa ya bhala huwa..
kabhi zindagii jo mili mujhey… tou rahi na baqi merii umar…..!
Mujhe tum yaad aate ho… June 14, 2007
Posted by Some One Some Where in Urdu Poetry.
add a comment
Mujhe tum yaad aate ho
Kisi sunsaan sapne mein chuppi khwahish ki hiddat mein
Kisi masroofeyyat ke maur per
Tanhaee ke sehraoon mein
Ya phir kisi anjaan bemaari ki shiddat mein
Mujhe tum yaad aate ho
Kisi bichre huwe ki chashm-e-purnam nazaare per
Kisi beete huwe din ki thakkan ki out se
Ya phir tumhare zikar mein guzri huwi shab ke ishare per
Kisi basti ki baa-raunaq sarak per
Aur kisi dareyaa, kisi weeraan jungle ke kinaare per
Mujhe tum yaad aate ho
Meri chup ke kunwain mein
Aarzooon ke badan jab tairte hain
Aur kinare se koi bolay
Tu lagta hai ajjal awaaz deti hai
Meri becheneyyoon mein jab tumhare tand-khor baksh khatakti hai
Tumhari be-sabab door sulaghti hai
Ya phir jab meri aankhoon ke sehra mein
Tumhari yaad ki tasveer jalti hai, judaee haath malti hai
Mujhe tum yaad aate ho
Mujhe tum yaad aate ho
Muqaddar ke sitaroo per
Zamaano ke ishaaroo per
Udaasi ke kinaaroo per
Kabhi weeraan shehroon mein
Kabhi sunsaan rastoon per
Kabhi hairaan aankhoon mein
Kabhi be-jaan lamhoon per
Mujhe tum yaad aate ho
Suhaani shaam ho koi
Kaheen badnaam ho koi
Bhale gulfaam ho koi
Kisi ke naam ho koi
Mujhe tum yaad aate ho
Kaheen baarish baras jaaye
Kaheen sehra taras jaaye
Kaheen kaali ghatta utray
Kaheen baad-e-saba thehray
Tumhare aur mere darmeyaan aa kar Khuda thehray
Tau, meri zindagi ke awwal-o-aakhir
Tum us lamhay
Khuda ke baad aatay ho
Mujhe tum yaad aate ho…
Agar baharoo ne mujh se poocha June 14, 2007
Posted by Some One Some Where in Urdu Poetry.
add a comment
Agar baharoo ne mujh se poocha
Chamaktay taaroon ne mujh se poocha
Bataoon, husn-e-jahaan kahaan hai???
Tu bar-mala mein kahongi un se
Tumhein woh meri nazar se dekhain
Tumhare jaisa koi nahee hai
Jo dasht mein hai ghatta ki surat
Chamman ki surat, saba ki surat
Hai kitna maasoom, kitna saada
Tumhara waada..
Magar bataaoge tum yeh janaan
Ho khoye khoye se kis leye tum
Sukoon kis ne tumhara loota
Yaqeen kaise tumhara toota
Chalo huwa jo bhula bhi daalo
Woh khat puraane jala bhi daalo
Mein maanti hoon
Tumhare dil ka jo shehar ujhra
Ussay basaane mein din lagenge
Ke kehkashaan ke musaafiron ko
Zameen pe aane mein din lagenge
Chiraag yaadoon ke jal rahe hain
Inhain bhujaane mein din lagenge
Jo hosake tu kisi ki khaatir
Naya jahaan basaa kar tum dekho
Kisi ko apna bana ke dekho
0 Comments