laakh doori ho magar aey’had nibhatey rahna

laakh doori ho magar aey’had nibhatey rahna
jab be barish ho mera soog manatey rahna

tum gaye ho tu sar-e-shaam ye adat thehri
bus kinaray pe kharay haath hilatey rahna

janay is dil ko ye adaab kahaN se aa’eey
us ki raahooN maiN ankhiN bichatey rahna

Aik muddat se yeh mamool hua hai ab to
Aap hi roothna aur aap manate rehnaa

tum ko maloom hia farhat ye pagal pun hai
door jatey huwey logo ko bulatey rahna