mai kahta ho kay mai i sbaat ka matlab nahi samjha
woh kahti hai: ankhoo mai koi sehra basaoo gi
mai kahta ho kay benaye jhuls jaye gi asay tu
woh kahti hai mai pairoon par tumhara bakht likho gi
mai kahta ho paroo’n say adawat hai tumhay koi
woh kehti hai: mai pani par tera chehra banaoo gi
mai kahta ho mujhay lagta hai tera dil bhi pani tha
woh kahti hai tum kisay mujrim samjhtay to
mai kahta ho: usay jo dard kay mani na samjha ho
woh mujh say pochti hai jhoot aur sachaiya’n kya hain
mai kahta ho kay neeyat aur nataiej ki pazeeraiye
woh mujh say pochti hai sub say pahlay kon rahta tha
mai kahta ho kay andaza ya mafrooza hi mumkin hai
woh mujh say pochti hai kon rah jaye ga duniya mai
mai kahta ho kay bilkul ek naye aur ajnabi duniya
woh mujh say pochti hai: maut kay baray mai bataoo gay
mai kahta ho: khat tanseekh hai aghaaz say pahlay
woh mujh say pochti hai jangaloon mai kon rahta hai
mai kahta ho: wohi jo shehar mai rahnay say khaieef hain
woh mujh say pochti hai asmanoon say paray kya hai
mai kahta ho: na weranay na abadi na barbadi
woh mujh say pochti hai: waqt ko tum kya samjhtay ho
mai kahta ho kay har ehsaas kay adaad ki ginti
woh mujh say pochti hai kya khuda ko mantay ho tum
mai kahta ho yaqeenan aur usay mehsoos karta ho
woh mujh say pochti hai: ye muzahib kay masaail kya
mai kahta ho kay dunia kay baray logo ki batain hain
woh mujh saypochti hai khwab ki tabeer kay baray
mai issay pochta ho: aqal ki jageer kay baray
woh mujh say pochti hai zindagi kay raaz kay baray
mai issay pochta ho dharkanoo’n kay saaz kay baray
woh mujh say pochti hai raat aur din ki musafat kya
mai kahta ho: ye saye hain kisi qaidi musafir kay
woh mujh say pochti hai hum agar kuch bhi nahi hain tu
mai kahta ho: nahi hona bhi hota hai jahanoo’n mai
woh mujh say pochti hai aql kya hai aur dil kya hai
mai kahta ho kay bus ek ikhtalaaf-e-amal peham hai
woh kahti hai kay dewanoo’n ka koi kya bharoosa hai
mai kahta ho: bharosay kaliye duniya hi kya kum hai
woh mujh say kahti hai kisi ko mut bata dena meray baray
mai kahta ho magar ek geet ko aur chandani shub ko
woh kahti hai suno farhat mujhay tum say mohabat hai
mai kahta ho: meri jaan tum to khud meri rayazaat ho
woh kahti hai ye saray logh kyu batain banatay hain
mai kahta ho: meri jaan ye mohabat ka muqadar hai
mai kahta ho: muhabat kayenati geet hoti hai
woh thora gunguna kay ansoo’n mai doob jaati hai
woh mujh say pochti hai har tarf ek baykali kyu hai
mai kahta ho: koi anjaam a’apohncha hai basti mai
woh mujh say pochti hai baysar-o-samaa’n kub say ho
mai issay pochta ho: is qadar nadaan kub say ho
woh mujh say pochti hai kon lawaris hai maqtal mai
mai kahta ho wohi jo qatl karnay kaliye aye
woh mujh say pochti hai shehar ki halat ka kya hoga
mai kahta ho koi kuch din mai balain lout jaye gie’n
woh mujh say pochti hai: karbala kya phir bapa hogi
mai kahta ho: nahi: ab is qadar tanha nahi koi
woh boli dard kay is paar bhi ek dard hota hai
mai issay kay baadh kitni dair tak kuch bhi nahi bola
0 Comments