raat us nay poocha tha

raat us nay poocha tha
tum ko kaisi lagti hai
chandni december ki ………!

main nay kehna chaha
saal-o-mah kay baray main
guftagu kay kia ma’ny
chahay koi manzar ho
dasht ho, samandar ho,
june ho, december ho
dhadhkanon ka har manzar
manzroon pe bhari hai
saath jab tumhara ho
dil ko ik sahara ho
aisa lagta hai jaisay
ik nasha sa tari ho

laikin uski qurbat main
kuch nahin kaha main nay
takti reh gai mujhko
CHANDNI DECEMBER KI…………!