Tum ajab ho meri chaaHat ke nasebooN ki tarha

Tum ajab ho meri chaaHat ke nasebooN ki tarha
Munsalik ghaM ke tasalsuL ki gungari se
Bekaraari ki agar koi shakaL hoti to woh tuM hote
ya ke bus maiN hota

Tum ajab ho meri ankhon ki tarha
Apni weraNi se baahir ki ba’yabaNi ko takti huee
Aur bheegi huee
Jane kis khadshe maiN gum, soch maiN khoyee huee
Kuch socH kar ghbrayee huee

Tum ajab ho
Mere shehroN ki tarha
Raat ke jage huay
Dhuup maiN kumla’ye huay
Hijar ki rahguzarooN ki tarha
Bal main bal khaye huway
Duur tak chhaee huee
zard ghta’oN ki tarha

Tum ajab ho mere khuwabooN ki tarha
Umr se ujre huay bikhre huay,tarse huay
Tum ajab ho mere nainoN ki tarha
Barse huay, barse huay