meri aankhon main na jhanko

meri aankhon main na jhanko
ke aub un main asaib ka daira hey
main apni ankhoon se khud hi
nazrein churati hon
yeh ankhein aainay main dekhoon to
aaina bool parta hey
kahan hey woh husn ki jhalkan
kahan hey woh narm se hontoon pe
ik shookh si muskaan ka pehra
kahan gaey jo teri palkon pe rakhey they
woh nazuk abgeeno se sapnay
kahan pe khoo gai siyaah palkoon ke halon main
do jheel si ankhein
aaina pochta hey
woh jo dil tera tha
muhabbat ka istearaa tha
kahan hai khoo gaya boloo
tere lams sey har dam
jo qurbatoon ki mehek aati thi
kahaan luta aai ho woh boloo
kahan gai woh hathailiyaan
jin ki lakeeroon se kisi ka naam bunti thi
teri soochoon main behta tha
woh kisi ki yaad ka darya
kahan hai ab bhalaa bolo
jahan tu nazar karti thi
her aik manzar main jo tum ko
usi ka aks dikhta tha
kahan hai ab bhalaa boloo
main aainay se kehti hon
woh husn ki jhalkan, narm honton ki hansi
sab uske karan thi, woh hai kho gaya dekho
nazuk abgeenoon se sapnay, main ne toor dalay hain
do jheeel si ankhoon ko ab sulaa dalaa
muhabbat isteara dil, lahoo roota hai aub dekhoo
woh lams qurbaton ki mehek ka,
hijr raaton main jal bujha dekhoo
wuh naam jo buna karti thi junoon main
wo naam to merey hathon ki lakeeroon main kabhi tha hi nahi
sabhi manzar bhula dalay, sabhi manzar sulaa daalay
kisi ki yaad ke darya si sochoon main
ab asaib thehrey hain
aub ankhoon main koi shaam muskurati nahi
wahaan ab ashk rehtey hain…!