mujhey aaram karney do

mujhey aaram karney do mujhey ab mat sataa’o tum
thakan sadiyon ki hai muj ko mujhey ab mat jgaa’o tum

mairi khamosh aa’nkhoN say koi qi’sa na kehna tum
mairey khwa’bon meiN sehra haiN mujey ab mat rulaa’o tum

dukhon ki ikk kahaNi thi usi ka aa’khri hissa
bohat arsey say jaari tha ussey ab mat dohraa’o tum

mairey viraaN kamrey meiN teri tasveer ab b hai
ye ab kamrey ka hissa hai issey ab mat hataao tum

mairey Ja’ney ki baatoN per kabi wo hansta rehta tha
mairey Ja’ney ki raatoN meiN usey ab mat hansa’o tum

tumhaari dairy k aakhri auraa’q meiN maiN tha
safhey yuuN to na phaa’ro tum mujey yuuN na mitaa’o tum

kahiN sehra kahiN sahil kabi mitti kabi paa’ni
mujey Jo CheezeiN baksheeN thi usi say ghar bnaa’o tum

wahiN per hooN maiN waisi hooN ab aa’ey ho tu ruk jaana
thakaN ki dasta’N apni mujey ab mat sunaa’o tum