Ehd e wafa mai jee dekha,

Ehd e wafa mai jee dekha, mar dekha hai
Us ke baam se aj utar kar dekha hai

chehron se kuch dhund bhi chat-ti jati hai
Dil ne bhi mayaar badal kar dekha hai

Rango ke shadaab jazeeron ke peechay
Bhookay insaano ka samandar dekha hai

Sukh ke chatnaaro par zardi phail gayi
dhoop ne mere ghar mai utar kar dekha hai

Teri yado ke gehre sanaate mai
Tanhayi ka zehr mila kar dekha hai