Yeh mera sheher hai

Yeh mera sheher hai
Mujh ko yeheen rehna bhi hai lekin
Mujhay in sheroon ki do teen galiyoon ko bhulaana hai
Kay in galiyoon se wabasta hain
Kuch maghmoom si yaadain

Magar mushkil yehi tou hai
Kay mai jis simmt bhi jaaoun
Wohi galiyaan m’ray har raastay mai aa’nikalti hain
Magar kaisay bhulana hai
Nahin kuch soojhta mujh ko

Kissi se poochna hoga
Yeh andesha bhi hai lekin
Kay main jis se bhi poochin ga
Wo mujh ko na day paye ga
Munaasib mashwara koi

Kay in galiyoon kay jaado ka
Kissi ko ilm hi kab hai