یہ چراغ بے نظر ہے، یہ ستارہ بے زباں ہے

 یہ چراغ بے نظر ہے، یہ ستارہ بے زباں ہے

 ابھی تجھ سے ملتا جلتا کوئی دوسرا کہاں ہے

 وہی شخص جس پہ اپنے دل و جاں نثار کر دوں

 وہ اگر تھا نہیں ہے تو ضرور بدگماں ہے

 کبھی پا کے تجھ کو کھونا کبھی کھو کے تجھ کو پانا

 یہ جنم جنم کا رشتہ تیرے میرے درمیاں ہے

 میرے ساتھ چلنے والے تجھے کیا ملا سفر میں

 وہی دکھ بھری زمیں ہے وہی غم کا آسماں ہے 

میں اس گماں میں برسوں بڑا مطمئن رہا ہوں

 تیرا جسم بے تغیر ہے میرا پیار جاوداں ہے

 

انہی راستوں نے جن پر کبھی تم تھے ساتھ میرے

 مجھے روک روک پوچھا تیرا ہمسفر کہاں ہے